【《安妮特》短評幾句】
原來《#安妮特》係超應節中秋節片，你睇到片尾就明 🤣
如歌詞所言，如果你係冇朋友嘅，請同陌生人推薦。中秋節我同在場幾位冇朋友一個人睇嘅觀眾，應該都好有共鳴，你咁樣突破四面牆，叫我呢個冇朋友嘅觀眾返屋企小心睇路，喂我點都要即刻出個post啦🤡
真心套戲唔係人人頂到，都一如評論會咁兩極，有觀眾鼻鼾聲震天大半場、散場粗口橫飛，都有人散場拍曬手。
故事好簡單，都會諗到Adam Driver前作《婚姻故事》，見證一段已死愛情，一個咁簡單故事拍足兩個半鐘係多咗，之但係用上咁前衛大膽歌舞片方式表達、敘事用鏡不斷突破四面牆又融入到故事，堅勁！